У гомельскім касцёле дабраславілі на новы навучальны год [фота]
- Written by katolik-gomel.by
- Published in Навіны - Гомель
- Comments (1)
«Кім ты станеш, прафесарам ці рабочым, - галоўнае, рабіць усё з любоўю, і будзеш шчаслівым».
Традыцыйна ў пачатку навучальнага года ў гомельскай рыма-каталіцкай царкве адбылося дабраславенне школьнікаў, настаўнікаў, студэнтаў, навучэнцаў і выкладчыкаў. Як даў наказ святар, толькі дзякуючы святлу Духа Святога, аб дарах Якога прасілі ў малітве, можна спазнаць праўду пра Бога, мір і пра нас саміх:
- Важна, каб мы не хавалі сваёй прыналежнасці да Царквы. Смела казалі праўду, якую гаворыць Гасподзь. Апостал Павел сказаў вельмі важную рэч: не будзем павінны нікому нічога акрамя любові. Гэта значыць, што паводзіны дома, у школе павінны быць паводзінамі поўным любові. Гэта значыць: люблю, паважаю, слухаюся старэйшых і настаўнікаў, добрасумленна працую ў школе з поўнай аддачай. Не спісвайце, не лянуецеся і будзьце поўнымі любові, дапамагайце тым, якія займаюцца не вельмі добра.
Цяпер шмат часу школьнікам давядзецца аддаваць не на гульні, а на не вельмі прыемныя рэчы. Але школа вучыць, што ў жыцці часта трэба рабіць тое, што не падабаецца. Вядома, цяжка будзе вучыць вершы, запамінаць нейкія формулы, і вось мы прыходзім у Царкву. Таму што мы людзі слабыя і маем патрэбу ў дапамозе. Бог дае сілы і таксама - сілу верыць. Гасподзь не толькі ў Касцёле, а перш за ўсё ў падзеях нашага жыцця. Калі сядаем за парты, і не хочацца вучыцца, ёсць той, хто можа дапамагчы, - гэта Ісус Хрыстос.
Таму святары раяць: не хочаш вучыць, не хочаш чытаць - прасі Госпада: Божа, дапамажы мне, дай цярпенне. І праз гэта вучымся веры, таму, што Бог дапамагае. Цяжка нешта вырашаць, не ахвота зубрыць табліцу множання - прасі Бога: Госпадзе, дапамажы, ты бачыш, я чалавек лянівы, хачу бегаць, гуляць у мячык, сядзець перад кампутарам. Прасі Бога і будзеш адкрываць, што Ён дапамагае, прысутнічае ў тваім жыцці. Не важна, кім ты станеш, прафесарам ці простым рабочым, - галоўнае, рабіць усё з любоўю, быць з Богам, выконваць Яго волю, і тады будзеш шчаслівым.
Акрамя таго, падчас Святой Імшы 1 верасня гомельскія каталікі сабралі ахвяраванні на дапамогу Пінскай вышэйшай духоўнай семінарыі, студэнты якой таксама прыступілі да вучобы.
Related items
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
Дарагія дыяцэзіяне (...) Працэс навучання і выхавання маладога пакалення важны як для Касцёла, так і для дзяржавы. Таму неабходна, каб усе – бацькі, парафія, школа – усвядомілі сабе неабходнасць гарманічнага і плённага супрацоўніцтва, а таксама адпаведнага падзелу абавязкаў. Вернасць маральным і рэлігійным прынцыпам сярод дзяцей і моладзі – гэта плод добрай і адказнай працы, шчырага клопату бацькоў аб сваім патомстве. Хрысціянскае выхаванне маладога пакалення павінна быць для бацькоў натуральным вынікам паслядоўнай рэалізацыі сужэнскай прысягі, якую яны складалі падчас шлюбу, а таксама абяцанняў, якія яны давалі Богу падчас хросту кожнага дзіцяці. Ва ўсім гэтым выражаецца клопат аб будучыні сям’і, Касцёла і краіны.
На жаль, некаторым бацькам хочацца перакінуць значную частку сваіх абавязкаў на дзяржаву,.. ДАЛЕЙ: catholic.by/.../...
RSS-стужка каментароў гэтага запiсу