Гомельскія каталікі збіраюць закаткі і прадукты на зіму для пінскіх семінарыстаў

На працягу гэтага тыдня парафіяне гомельскай рыма-каталіцкай царквы збіраюць прадуктовыя ахвяраванні для Пінскай вышэйшай духоўнай семінарыі. Такую акцыю гомельскія каталікі ладзяць традыцыйна ў пачатку восені. Каб семінарысты змаглі перажыць зіму ў дастатку, вернікі рыхтуюць для іх закаткі, бульбу, часнык, цыбулю, моркву, буракі, гародніну.

- Спадзяемся, у наступную суботу мы зможам адправіць у Пінск поўны грузавік вашых ахвяраванняў, - звярнуўся пробашч да парафіянаў. Прадукты можна прыносіць у касцёл кожны дзень да або пасля Імшы.

Нагадаем, у Беларусі не хапае каталіцкіх святароў, таму Царква пастаянна маліцца аб тым, каб беларускія хлопцы адклікаліся на новыя паклікання Госпада.