Велікодны спектакль прадставіла каталіцкая моладзь Гомеля [фота]

Красавік 23, 2017
Written by katolik-gomel.by
Published in Навіны - Гомель
Add new comment

Сцэнку пакажуць у сацыяльных установах, у парафіях Мазыра і Петрыкава.

У каталіцкім Доме міласэрнасці «Місіянерак любові» (сясцёр Маці Тэрэзы) у Гомелі моладзь паказала Велікодны спектакль для шматдзетных і праблемных сем'яў, а таксама для бедных, якія прыходзяць сюды на абеды. Прадстаўленне пакажуць і ў бальніцы сястрынскага дагляду ў вёсцы Старыя Дзятлавічы, у іншых сацыяльных установах, у каталіцкіх парафіях Мазыра і Петрыкава.

Спектакль, які падрыхтавала моладзь разам з сёстрамі, распавядаецца аб ацаленні сляпой дзяўчыны і навяртанні да Бога яе бацькі-фарысея на фоне падзей аб распяцці і ўваскрасенні Езуса Хрыста.