У Беларусі праходзіць агульнарэспубліканская сустрэча каталіцкіх святароў

Лістапад 15, 2013
Written by katolik-gomel.by
Published in Навіны - Гомель
Add new comment

Гомель на сустрэчы прадстаўляе дапаможны біскуп Пінскай дыяцэзіі Казімір Велікаселец.

15 лістапада ў мінскім касцёле святых Сымона і Алены праходзіць агульнабеларуская сустрэча каталіцкіх святароў. Гэта другая па ліку сустрэча ў гісторыі Каталіцкай царквы ў Беларусі. Сустрэча ладзіцца ў завяршэнне Года веры, што быў абвешчаны Папам Бэнэдыктам XVI і мае назву «Святло веры - святарская вернасць».

Да ўдзельнікаў сустрэчы звернуцца Мітрапаліт Мінска-Магілёўскі арцыбіскуп Тадэвуш Кандрусевіч і Апостальскі нунцый у Беларусі арцыбіскуп Клаўдыё Гуджэроцці. Таксама ў праграме сустрэчы малітва, выстаўленне Святых Дароў, духоўная канферэнцыя, работа круглых сталоў, даклад на тэму «Святар ў службе Царкве і грамадству ў сучаснай рэчаіснасці», братэрскае чаяванне.

Гомель на сустрэчы прадстаўляе дапаможны біскуп Пінскай дыяцэзіі айцец Казімір Велікаселец.

Last modified onПятніца, 15 Лістапад 2013 12:37

Tagged under