BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Сустрэча з Хрыстом: 20 дзяцей у Гомелі прынялі Першую Камунію [фота]

Яны пачалі самастойны шлях да галоўнай мэты ўсіх хрысціянаў - да вечнага жыцця

19 траўня ў гомельскай рымска-каталіцкай парафіі Нараджэння Божай Маці адбылося свята Першай Камуніі. Падчас нядзельнай святой Імшы 20 дзяцей упершыню сустрэліся з Езусам Хрыстом у Яго Целе і Крыві. З гэтага часу хлопчыкі і дзяўчынкі, якіх рыхтавалі ў Нядзельнай школе да прыняцця Камуніі, сталі новымі паўнавартаснымі ўдзельнікамі святой Імшы.

Пробашч парафіі ксёндз Юры Варанко падчас казання нагадаў, што той, хто прымае Цела Хрыста і п'е Яго Кроў, мае жыццё вечнае. А менавіта гэта - мэта хрысціяніна. І шлях да вечнага жыцця ў Небе паказвае Пан Езус у Евангеллі, якое пачулі на службе:

- Запаведзь новую даю вам, любіце адзін аднаго; як Я палюбіў вас, так і вы любіце адзін аднаго. Па тым пазнаюць усе, што вы Мае вучні, калі будзеце мець любоў адзін да аднаго.

Дарэчы, цяпер у Нядзельнай школе касцёла таксама 20 дзяцей рыхтуюцца да прыняцця Першай Камуніі ў наступным годзе.

Гартайце старонкі галерэі пад апошнім здымкам і клікайце па фота, каб адкрыць яго цалкам.

Last modified onПанядзелак, 20 Май 2019 21:11

Дадаць каментарый

Ахоўны код
Абнавіць