Вялікі бясплатны Велікодны канцэрт пройдзе ў гомельскім касцёле

У бліжэйшую нядзелю, 27 красавіка, у гомельскай рыма-каталіцкай царкве (адрас касцёла - Савецкая, 118, насупраць гатэля «Турыст») пройдзе бясплатны Велікодны канцэрт. Традыцыйна ў Калядныя і Велікодныя дні музычнае свята ў касцёле ўжо шмат гадоў ладзіць Таццяна Томсан і яе сябры - лепшыя музыканты горада, у тым ліку лаўрэаты міжнародных конкурсаў, удзельнікі Гомельскага сімфанічнага аркестра.

Зала заўсёды сустракае музыкаў аншлагам - бясплатныя канцэрты наведваюць не толькі вернікі царквы, але і многія аматары класічнай музыкі.

Пробашч касцёла запрашае на канцэрт і жадае, каб святло музыкі узвяло на нябёсы і дапамогло адчуць радасць Вялікадня. Пачатак канцэрта - у 19.00.