Семярых хлопцаў у гомельскім касцёле прынялі ў міністранты - ФОТА
- Written by katolik-gomel.by
- Published in Навіны - Гомель
- Add new comment
Вельмі важна ўдзельнічаць у Божых справах, распаўсюджваць Евангелле - звярнуўся да хлопцаў айцец Славамір.
18 траўня ва ўрачыстай абстаноўцы падчас нядзельнай Святой Імшы пробашч гомельскай рыма-каталіцкай парафіі прыняў у міністранты семярых хлопцаў. Пасля падрыхтоўкі, якая доўжылася некалькі месяцаў, юныя каталікі пачалі служыць ля алтара разам са святаром. Самае адказная справа для міністрантаў - гэта дапамога ў падрыхтоўцы Святых Дароў для Эўхарыстыі.
Міністрант - звычайна, юнак, які служыць святару падчас Імшы і іншых набажэнстваў. Ён запальвае свечкі ў храме, прыносіць віно і хлеб для Эўхарыстыі, узначальвае Крыжовы ход, выконвае іншыя абавязкі. Перад тым, як заняць ганаровыя месцы побач са святаром, хлопцы сказалі прысягу, паабяцаўшы служыць аддана, пабожна і з радасцю.
- Цяпер вы будзеце дапамагаць праводзіць святую Імшу, а значыць, дапамагаць у Божай справе. Гэта вельмі важна - удзельнічаць у Божых справах, распаўсюджваць Евангелле, - звярнуўся да хлопцаў айцец Славамір.
Related items
-
Рэдкая ва ўсім свеце. У Беларусі ёсць месца, дзе просяць дапамогі ў зачацці дзіцяці
-
«На ўсе аргументы – адмова». У Мінску вернікам не дазволілі памаліцца ля Чырвонага касцёла ў памятную дату
-
Дзяржорганы звярнуліся да святароў з просьбай дапамагчы ў далікатнай справе
-
Пад Мінскам плануюць пабудаваць новы касцёл – якім ён будзе
-
«Вельмі складаная сітуацыя». Апошняя справа біскупа Велікасельца патрабуе падтрымкі