Сотні беларусаў адправяцца ў пешую пілігрымку ў Будслаў - ЗАПІС + матывуючае ВІДЭА

Чэрвень 10, 2014
Written by katolik-gomel.by
Published in Навіны - Гомель
Comments (7)

Для многіх гэтыя незабыўныя дні становяцца сапраўдным адкрыццём, сустрэчай з Жывым Богам, пераломным момантам у жыцці.

У 2014 годзе штогадовыя ўрачыстасці ў гонар Будслаўскай Божай Маці пройдуць 4-5 ліпеня. У гэтыя дні ў мястэчку Будслаў збяруцца тысячы каталікоў з Беларусі і госці з іншых краін. Шмат хто прыязджае ў Будслаў на аўтобусах, аднак сотні вернікаў ідуць да іконы Божай Маці пешшу (ФОТА, ВІДЭА). Для многіх гэтыя незабыўныя пешыя пілігрымкі становяцца сапраўдным адкрыццём, сустрэчай з Жывым Богам, пераломным момантам у жыцці.

Адна з самых масавых і самых доўгіх пілігрымак - «Баранавічы - Будслаў», пілігрымка Пінскай дыяцэзіі, да якой адносяцца Брэсцкая і Гомельская вобласці. Пілігрымы адпраўляюцца ў шлях 26 чэрвеня і за 9 дзён пройдуць пешшу амаль 300 кіламетраў. Можна далучыцца да пілігрымкі ў іншых гарадах і пасёлках, пазначаных у маршруце >>> Запісацца ў пілігрымку можна па тэлефонах (029) 7090093 і ( 029) 2264429.

Таксама пілігрымкі адправяцца з многіх гарадоў ўсіх беларускіх дыяцэзій. З Мінска традыцыйна ў Будслаў ідуць некалькі груп, ёсць таксама велапілігрымка.

Для вернікаў гомельскага касцёла, якія не змогуць пайсці ў пешую пілігрымку, будзе арганізаваны выезд на аўтобусе, запісацца можна ўжо цяпер.

Media

Last modified onСерада, 11 Чэрвень 2014 10:30

Tagged under

Related items

Каментары

+3 #7 Пілігрым 2014-06-18 16:54

Выйшаў дыск з серыі Беларускі хрысціянскі хіт — Пілігрымскі хіт, на якім сабраныя лепшыя песні, што спяваюць пілігрымы на шляхах да святых месцаў нашай краіны.
У адборы песен, якія ўвайшлі ў яго склад, працавалі прадстаўнікі розных хрысціянскіх канфесій. Гэта ўжо шосты па ліку дыск з гэтай серыі, якая ўяўляе ўнікальны музычны, як міжканфесійны, так і культурніцкі праект.

У продажы дыск з'явіцца праз некалькі тыдняў, а яго прэзентацыя запланавана напрыканцы чэрвеня.