У Гомелі развіталіся са спачылым біскупам Казімірам Велікасельцам – быў і праваслаўны іерарх

Люты 11, 2026
Written by KATOLIK.LIFE
Published in Навіны - Гомель
Add new comment

Самы сціплы каталіцкі біскуп Беларусі захацеў быў пахаваным на сельскіх могілках.

У гомельскім каталіцкім храме 10 лютага прайшло развітанне з біскупам Казімірам Велікасельцам, які раптоўна пайшоў з жыцця пасля таго, як адправіў нядзельную Імшу і паспавядаў вернікаў.

На развітанні і святой Імшы аб жыцці вечным для біскупа Казіміра сабраліся свецкія і духавенства з розных гарадоў. Як бачна на здымках парафіі, прыходзіў у касцёл развітацца з каталіцкім іерархам і кіраўнік Гомельскай епархіі БПЦ архіепіскап Стэфан.

11 лютага з біскупам Казімірам развітваюцца ў Пінску, а 12 лютага ён будзе пахаваны на малой радзіме, у пасёлку Шарашова ў Пружанскім раёне – згодна з яго завяшчаннем. Самы сціплы каталіцкі біскуп Беларусі захацеў быў пахаваным на сельскіх могілках ля касцёла.

Глядзіце ніжэй два апошнія інтэрв'ю, у якіх біскуп Казімір распавядаў пра сваё жыццё, чытайце сведчанні пра яго арцыбіскупа Тадэвуша Кандрусевіча і простай парафіянкі.