Міжканфесійны фестываль у Церусе сабраў праваслаўных і каталікоў - ФОТА, ВІДЭА

Ліпень 20, 2014
Written by katolik-gomel.by
Published in Навіны - Гомель
Comments (5)

Вернікі мелі стасункі ля вогнішча, гулялі, слухалі лекцыі пра прыгажосць, танчылі ды спявалі пра веру і Бацькаўшчыну.

19-20 ліпеня на манастырскім падворку ў вёсцы Церуха Гомельскага раёна прайшоў штогадовы Міжканфесійны творчы фестываль «Хрыстос пасярод нас», які арганізаваў моладзевы аддзел гомельскай праваслаўнай епархіі. На сустрэчы, якая праходзіла ўжо чацвёрты раз [глядзіце відэа з папярэдняга фестывалю], традыцыйна сабраліся дзесяткі праваслаўных і каталікоў.

Хрысціянскі опэн-эйр адкрыўся канферэнцыяй пробашча гомельскага рымска-каталіцкай парафіі Нараджэння Божай Маці айца Славаміра Ласкоўскага на тэму «Прыгажосць выратуе свет». Пазней на гэтую ж тэму праваслаўны архімандрыт Сава Мажука правёў лекцыю і духоўныя практыкаванні.

У перапынку ўдзельнікі фестывалю гулялі ў спартыўныя гульні, займаліся стральбой, размаўлялі, а ўвечары адбыўся канцэрт, на якім выканалі песні пра веру і Бацькаўшчыну. Дарэчы, многія спявалі па-беларуску.

Пасля невялікай дыскатэкі і традыцыйнага феерверка самыя таварыскія засталіся на ноч, якую правялі ля вогнішча.