BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

У Рэчыцы і Петрыкаве змяніліся пробашчы каталіцкіх парафій

Айца Яцэка - польскага святара, які правёў у Рэчыцы каля 7 гадоў, змяніў гамяльчанін айцец Аляксандр Драбышэўскі.

Распараджэннем біскупа Пінскай дыяцэзіі Антонія Дзям'янкі ў рымска-каталіцкіх парафіях Рэчыцы і Петрыкава змяніліся пробашчы. З гэтага часу айцец Яцэк Баровец, які дагэтуль служыў у Рэчыцы, узначальвае парафію Звеставання Найсвяцейшай Панне Марыі ў Петрыкаве. А былы петрыкаўскі пробашч айцец Аляксандр Драбышэўскі служыць у Рэчыцкім касцёле Найсвяцейшай Тройцы.

Айцец Яцэк - польскі святар - правёў у Рэчыцы каля 7 гадоў. За гэты час многія парафіяне палюбілі яго прастату і адкрытасць і з цеплынёй развіталіся з ім падчас яго апошняй Імшы ў Рэчыцы. У Петрыкаўскім раёне яму трэба будзе служыць не толькі ў самім райцэнтры, але і ў вёсках Брынеў і Капаткевічы. Парафіі тут маленькія, каталікоў у гэтых месцах засталася мала пасля камуністычных ганенняў, аднак па-ранейшаму шырока распаўсюджаныя паганскія традыцыі магіі і вядзьмарства. Таму важная задача Царквы на Палессі - новая евангелізацыя.

Айцец Аляксандр - адзіны мясцовы, гомельскі, каталіцкі святар, які служыць на тэрыторыі Гомельскай вобласці. Да гэтага ён каля трох гадоў правёў у Петрыкаве.

Нагадаем, раней з Рагачова ў Столін быў пераведзены айцец Андрэй Шут.

Last modified onЧацвер, 24 Ліпень 2014 09:19

Каментары   

+2 #2 Бука 2014-07-24 10:04
Хай Пане Божа дасьць ласку на добрую службу. Будзем малицца.
Цытаваць | Паведаміць мадэратару
+2 #1 Михаил 2014-07-24 09:33
Няхай Пан аберагае іх і суправаджае ў нялёкім пастырскім служэнні. Амэн.
Цытаваць | Паведаміць мадэратару

Дадаць каментарый

Ахоўны код
Абнавіць