У Доме міласэрнасці праходзіў дзіцячы дабрачынны лагер
- Published in Навіны - Гомель
- Add new comment
Штогадовы дабрачынны лагер для дзяцей «Канікулы з Богам» праходзіў у Доме міласэрнасці з 14 па 26 ліпеня.
З дзецьмі праводзілі заняткі сёстры Ордэна Маці Тэрэзы, якім дапамагалі скаўты, а таксама вернікі парафіяне. Большасць запрошаных дзяцей са шматдзетных, малазабяспечаных і няўдалых сем'яў. Разам з такімі дзецьмі ў лагеры адпачывалі хлопчыкі і дзяўчынкі з гомельскай рымска-каталіцкай парафіі, а таксама 10 хлопчыкаў і дзяўчынак з «Гомельскага дома-інтэрната для дзяцей-інвалідаў і маладых інвалідаў з асаблівасцямі псіха-фізічнага развіцця».
Дзеці гулялі ў футбол, тэніс, бадмінтон, атрымлівалі добрую ежу. Разам чыталі і спявалі. Кожны дзень - новая катэхеза, казалі пра святых, пра Панну Марыю. Дзеці самі прыдумлялі і ставілі невялікія тэатральныя пастаноўкі. Актыўны адпачынак праходзіў не толькі на тэрыторыі Дома міласэрнасці. Дзецi наведвалі спартыўную конную школу, каталіся на цеплаходзе па рацэ Сож, наведвалі атракцыёны ў цэнтральным парку Гомеля. Падрабязную фотасправаздачу аб дзіцячым лагеры можна паглядзець тут.