У гомельскай Дзіцячай вёсцы рэалізавалі праект па занятках іпатэрапіяй - ФОТА
- Written by katolik-gomel.by
- Published in Карытас - Гомель
- Add new comment
Дабрачынная каталіцкая Місія «Карытас - Міласэрнасць» просіць аб спонсарскай дапамозе для працягу праекта.
У траўні завяршаецца праект па занятках іпатэрапіяй ў «Гомельскім доме-інтэрнаце для дзяцей-інвалідаў і маладых інвалідаў з асаблівасцямі псіха-фізічнага развіцця» (Дзіцячай вёсцы). Праект рэалізоўваўся на працягу года дабрачыннай каталіцкай Місіяй «Карытас-Міласэрнасць» пры падтрымцы замежных спонсараў, заняткі праводзіліся прыватным конным клубам.
Іпатэрапія - гэта так званае «лячэнне з дапамогай каня», адзін з відаў альтэрнатыўнай медыцыны, пры якім ўздзеянне на арганізм дзіцяці з асаблівасцямі псіха-фізічнага развіцця аказваецца непасрэдна праз лячэбную верхавую язду.
- Ужо пасля адзінкавых прагулак на конях у дзяцей заўважылі паляпшэнне настрою, эмацыйны ўсплёск, павелічэнне жыццёвай актыўнасці, жаданне дзейнічаць, гуляць, размаўляць. А рэгулярныя заняткі іпатэрапіяй дазваляюць атрымаць добрыя вынікі ў фізіялагічным, інтэлектуальным і псіхалагічным развіцці дзяцей-інвалідаў. Тыя дзеці, якія раней былі агрэсіўнымі, сталі больш спакойнымі, таксама ў дзяцей палепшылася каардынацыя рухаў, - распавядаюць у ДКМ «Карытас -Міласэрнасць». - Прыезд коней у Дзіцячую вёску - гэта ўжо цэлае падзея для хлопчыкаў і дзяўчынак, гэтыя «госці» прыносяць шчырую радасць і буру уражанняў не толькі для тых дзяцей, якія займаюцца іпатэрапіяй, але і для тых, якія могуць проста пастаяць побач, пагладзіць каня або пакатацца некалькі хвілін.
Улічваючы вялікі станоўчы эфект ад заняткаў іпатэрапіяй, дабрачынная каталіцкая Місія «Карытас - Міласэрнасць» просіць аб спонсарскай дапамозе для працягу гэтага праекта, паколькі пакуль фінансаванне скончылася.
Related items
- З паходнямі і ў касцюмах: вуліцамі гарадоў Беларусі правялі Крыжовы шлях
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў
- Штосьці незвычайнае зладзілі ў мінскім касцёле: набажэнства спалучылі з перфомансам
- Opus Dei адказаў на абвінавачванні FT у «эксплуатацыі»