Папа моліцца аб ахвярах землятрусу ў Непале
- Written by katolik-gomel.by
- Published in Папа Рымскі
- Add new comment
Францішак даверыў душы ахвяраў прыроднага катаклізму міласэрнасці Усемагутнага Бога.
Папа Францішак выказаў занепакоеннасць наступствамі моцнага землятрусу, які адбыўся 25 красавіка 2015 г. у Непале. У сваёй спецыяльнай тэлеграме, скіраванай за подпісам кардынала Дзяржсакратара Пьетра Параліна, Святы Айцец запэўніў у сваёй салідарнасці і малітве ўсіх людзей закранутых трагедыяй і тых, хто згубіў сваіх блізкіх. Папа даверыў душы ахвяраў прыроднага катаклізму любячай міласэрнасці Усемагутнага Бога і выказаў падтрымку мясцовым уладам і ратавальным службам у іх дапамозе пацярпеўшым.
На дадзены момант паведамляецца аб прынамсі 2 тыс. ахвярах землятрусу. Каля 4 тыс. чалавек атрымалі траўмы. Не выключаецца, што колькасць пацярпеўшых будзе расці. Землятрус магнітудай 7,9 бала стаў самым майнейшым у Непале за апошнія 80 гадоў. Яго эпіцэнтр знаходзіўся ў 77 км ад Катманду.
Related items
-
Падарыў бяздомнаму ружанец, пераемніку – плашч. Апошнія жэсты біскупа Казіміра Велікасельца
-
У кіеўскім касцёле паказалі, як саграваюць людзей у маразы
-
У Гомелі развіталіся са спачылым біскупам Казімірам Велікасельцам – быў і праваслаўны іерарх
-
Памёр біскуп Казімір Велікаселец – найстарэйшы каталіцкі іерарх Беларусі. Якім быў яго апошні дзень?
-
Дзяржсакратар ЗША запэўніў кіеўскага біскупа, што кожны дзень моліцца за Украіну