Папа накіраваў 1 млн. еўра на дапамогу бедным і мігрантам
- Written by katolik-gomel.by
- Published in Папа Рымскі
- Add new comment
Такія ахвяраванні склалі паломнікі падчас выстаўлення Турынскай плашчаніцы.
Каля 1 млн. еўра – ахвяраванні, сабраныя падчас нядаўняга выстаўлення Турынскай плашчаніцы, будуць прызначаны на дапамогу бедным і мігрантрам. Такое рашэнне прыняў папа Францішак пасля таго, як даведаўся аб вялікай колькасці ахвяраванняў, складзеных пілігрымамі, якія прыбылі ўшанаваць адну з самых знакамітых хрысціянскіх рэліквій.
Сабраныя грошы будуць перададзены патрабуючым праз каталіцкія дабрачынныя арганізацыі “Caritas” і “Migrantes”, а таксама іншыя касцёльныя таварыствы, якія дзейнічаюць на тэрыторыі Турынскай архідыяцэзіі і дапамагаюць бедным і мігрантам.
Падобнае выкарыстанне ахвяраванняў упісваецца ў душпастырскую праграму архідыяцэзіі, адным з важных пунктаў якой з’яўляецца падтрымка бедных, хворых, самотных і пакінутых. Адным з прыкладаў увагі да патрабуючых, з’яўляецца прадастаўленне часткі мясцовага палацу арцыбіскупа для групы бежанцаў.
Выстаўленне Турынскай плашчаніцы працягвалася з 19 красавка па 24 чэрвеня 2015 г. Папа Францішак таксама памаліўся перад рэліквіяй падчас свайго візіту ў Турын 21-22 чэрвеня 2015 г.
Related items
-
«Уся каталіцкая Беларусь моліцца». Як адрозніваецца афіцыйнае і неафіцыйнае жыццё Касцёла
-
Стала вядома, што беларускі біскуп сказаў Папе Рымскаму: «Мы ўсе стомленыя вайной»
-
«Дзе няма справядлівасці, няма дзяржавы». Папа Рымскі – пра важныя аспекты жыцця грамадства
-
Папулярны праваслаўны манах з Гомеля раскрытыкаваў Ватыкан і моцна памыліўся
-
Вакол Чырвонага касцёла ў Мінску будуюць сцяну. Што гэта можа быць?