На праекты па прапагандзе гендэрнай ідэалогіі ў Беларусі выдзяляюць да 5 тыс. еўра
- Written by katolik.life
- Published in Соцыум
- Add new comment
У той жа час знайсці падтрымку для пашырэння хрысціянскіх каштоўнасцяў амаль немагчыма.
У інтэрнэце распаўсюджваюцца запрашэнні атрымаць грант у памеры ад 500 да 5 тыс. еўра на праекты па прасоўванні гендэрных каштоўнасцяў. Аднак падаецца гэта пад выглядам падтрымкі ініцыятыў, якія «хочуць з дапамогай змен у грамадстве палепшыць становішча ЛГБТКІ-людзей асабліва ў найбольш гамафобных супольнасцях і рэгіёнах», у ліку якіх называюць і Беларусь.
Грошы, якія выдзяляе фонд PlanetRomeo, накіроўваюцца на «ўмацаванне і мабілізацыю ЛГБТКІ-супольнасцяў». Паведамляецца, што праекты могуць быць арыентаванымі на «асобныя падгрупы супольнасці: лесбіянкі і/або геі і/або бісексуальнасць людзі і/або трансгендэрныя людзі і/або интэрсекс-людзі».
У той жа час адзначым, што знайсці падтрымку праектаў для пашырэння хрысціянскіх каштоўнасцяў у Беларусі практычна немагчыма. Нагадаем, гендэрная ідэалогія супярэчыць натуральнай прыродзе чалавека і хрысціянскаму вучэнню, разбурае душу чалавека, у выніку робіць яго няшчасным і вядзе да згубы.
Арцыбіскуп Тадэвуш Кандрусевіч лічыць, што паняцце «гендар», пад якім разумеюць свабодны (у залежнасці ад культурных абставінаў) выбар чалавекам свайго полу, вядзе да пагрозы знікнення ідэнтычнасці мужчыны і жанчыны, да адмаўлення ад паняцця традыцыйнай сям’і, якая складаецца з бацькі, маці і дзяцей, а таксама да легалізацыі гомасексуальных саюзаў з правам усынаўлення дзяцей.
Related items
- Прыехалі ў касцёл на трох машынах: на Віцебшчыне затрымалі двух святароў
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла