Унікальная аперацыя: ватыканскія медыкі раздзялілі сіямскіх блізнят
- Written by KATOLIK.LIFE
- Published in Соцыум
- Add new comment
Маці дзяўчынак пажадала, каб дачок хрысціў Папа Рымскі
Гаворка ідзе пра дзвюх дзяўчынак з Цэнтральнаафрыканскай Рэспублікі, якія нарадзіліся з рэдкім відам зрастаннем – у патылічнай частцы галавы. Аперацыя па іх раздзяленні стала першай, апісанай у літаратуры. Дагэтуль былі вядомы два выпадкі раздзялення сіямскіх блізнятаў з “вертыкальным” зрастаннем, гэта значыць верхнімі часткамі галавы, але не патыліцамі.
Дырэктар ватыканскай клінікі, Марыэла Энак, пазнаёмілася з бацькамі дзяўчынак падчас візіту ў Бангі ў 2018 г., дзе пры падтрымцы Bambino Gesu быў адкрыты дзіцячы шпіталь. На той момант прайшло ўсяго некалькі дзён пасля нараджэння блізнятаў.
Дзякуючы спецыяльнаму Фонду па міжнароднай гуманітарнай дзейнасці пры бальніцы Святога Пасаду дзяўчынкі былі дастаўлены ў Рым, дзе прайшлі курс нейрарэабілітацыі, поўную дыягностыку і падрыхтоўку да аперацыі.
У мае 2019 г. адбылося першае хірургічнае ўмяшанне, у ходзе якога было пачата раздзяленне крывяноснай сістэмы. Другая аперацыя адбылася ў чэрвені 2019 г. і прадугледжвала раздзяленне сінусаў галаўнога мозга.
5 чэрвеня 2020 г., адбылася заключная аперацыя па канчатковым раздзяленні блізнятаў. Яна працягвалася 18 гадзін з удзелам больш чым 30 спецыялістаў. Былі раздзелены чарапная каробка, затым у дзвюх асобных аперацыйных дзяўчынкам аднавілі цвёрдую мазгавую абалонку, чарапную каробку і скурнае покрыва.
Праз месяц пасля аперацыі дзяўчынкі адчуваюць сябе добра і пасля перыяду рэабілітацыі змогуць весці нармальнае жыццё, якое не будзе будзе нічым адрознівацца ад жыцця іх аднагодак. Маці дзяўчынак выказала жаданне, каб сакрамэнт хросту ім удзяліў Папа.
Related items
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну
- Новага біскупа ў Беларусі прызначыў Папа Рымскі на незвычайную пасаду
- Упершыню за пяць гадоў Крыжовы шлях прайшоў у цэнтры Гродна і сабраў сотні ўдзельнікаў