Як праходзіла эксгумацыя ў Ізюме, дзе знайшлі магілы 450 загінулых, распавёў кардынал
- Written by KATOLIK.LIFE
- Published in Соцыум
- Add new comment
Кардынал Краеўскі наведаў таксама паліцэйскі пастарунак у Ізюме, ператвораны ў катавальню
“Я ведаю, што ідзе вайна, а вайна не мае літасці, што ёсць загінулыя, але бачачы столькіх у адных месцы, гэта цяжка пераказаць і патлумачыць”, - прызнаўся Апостальскі элемазінарый у каментары для Vatican News пасля візіту ў горад Ізюм, нядаўна вызвалены ад расійскай арміі, дзе былі знойдзены парэшткі каля 450 чалавек.
Прэфект Дыкастэрыі па міласэрным служэнні прысутнічаў пры эксгумацыі цел, прызнаючыся, што быў уражаны тым, з якой павагай маладыя ўкраінскія паліцэйскія і салдаты ставіліся да загінулых.
“Усе стаялі ў цішыні, з неверагоднай пашанай да таямніцы смерці... Гэта быў па-сапраўднаму кранальны момант – бачыць, як яны выносілі целы. Здавалася, што яны рабілі гэта для сваіх сем’яў, для сваіх бацькоў, дзяцей, братоў”, - сказаў кардынал, дадаючы, што стаў сведкам сапраўднага служэння міласэрнасці.
Ён распавёў, што ўбачыў прыгажосць, схаваную ў чалавечых сэрцах, у якіх магла пасяліцца выключна помста. “Мне ўзгадаліся словы Святога Пісання пра тое, што зло заўсёды павінна перамагацца дабром”, - дадаў іерарх.
Кардынал Краеўскі наведаў таксама паліцэйскі пастарунак у Ізюме, ператвораны ў катавальню, а два дні таму, дастаўляючы гуманітарную дапамогу ў Запарожжа, разам з двума біскупамі, каталіцкім і пратэстанцкім, і ў суправаджэнні ўкраінскага салдата, трапіў пад абстрэл, але застаўся цэлы. “Упершыню ў жыцці я не ведаў куды бегчы, бо недастаткова толькі ўцякаць, трэба ведаць куды”, - падзяліўся ён, дадаючы, што ўся дапамога была дастаўлена, а людзі, якія атрымлівалі ружанцы, благаслаўлёныя Папам, адразу апраналі іх на шыю.
20 верасня 2022 года кардынал Конрад Краеўскі адправіўся ў Кіеў, а адтуль вернецца ў Рым. Падчас сваёй чацвёртай гуманітарнай місіі ён наведаў не толькі Ізюм і Запарожжа, але таксама Вініцу, Летычыў, Адэсу і Харкаў.
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»
- Без цуду, але з падтрымкай: як «Радыё Марыя» выходзіць з цяжкай сітуацыі