BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

«Заявы аб зносе не маюць падстаў». У Зембіне разабралі частку франтона касцёла

Парафія папрасіла перадаць скульптуру Панны Марыі для рэстаўрацыі за ўласныя сродкі

Пасля таго, як 25 лістапада з'явілася інфармацыя пра знос руінаў каталіцкага храма ў вёсцы Зембін Барысаўскага раёна, сітуацыю пракаментавала «Спадчына»:

– У Зембіне, як і абяцалі, дэмантавалі барочны франтон касцёла да ўзроўню карніза, папярэдне зняўшы з яго крыж і скульптуру Дзевы Марыі. Нагадаем, што ў красавіку гэтага года абвалілася частка сцен помніка. Невядома, ці былі праведзены фіксацыйныя абмеры дэмантаванай часткі і адбор проб для фізіка-хімічнага аналізу аддзелкі для будучага аднаўлення. З іншага боку, заявы аб «зносе касцёла» не маюць пад сабой падстаў.

У чэрвені паведамлялася, што «разбіраць мур будуць уручную, па цаглінцы» да ўзроўню карніза – з-за пагрозы абвальвання франтона і сцяны галоўнага фасада. Цяпер афіцыйных звестак пра работы пакуль не публікавалі.

Вядома, што дэмантаваную фігуру Панны Марыі змясцілі ў мясцовы музей. Парафія папрасіла перадаць скульптуру для рэстаўрацыі за ўласныя сродкі – гэта пытанне разгледзяць у Міністэрстве культуры.

Media

Дадаць каментарый

Ахоўны код
Абнавіць