У касцёлах Беларусі 3 ліпеня моляцца аб супакоі і свабодзе

У Рыма-каталіцкай царкве 3 ліпеня адзначаецца свята святога апостала Тамаша. На гэтую ж дату прыпадае галоўнае свята беларускай дзяржавы – афіцыйны Дзень незалежнасці (вызваленне Мінска ад нацысцкай акупацыі).

З гэтай нагоды ў каталіцкіх парафіях падчас святых Імшаў да малітвы вернікаў дадаюць малітоўныя просьбы за краіну. Як сказана ў аб'яве адной з парафій, у гэты дзень тут моляцца аб «супакоі ў свеце, супакоі і свабодзе ў нашай краіне, за тых, хто аддаў сваё жыццё падчас Другой сусветнай вайны».

У праваслаўных храмах краіны 3 ліпеня прайшла акцыя «Усебеларуская малітва за Беларусь», якая была ўключана ў афіцыйныя праграмы святочных мерапрыемстваў. У малебнах удзельнічалі прадстаўнікі мясцовых уладаў, ставілі свечкі ў храмах.

На фота – помнік на гарадскіх могілках у Польшчы на месцы пахавання загінулых жаўнераў Чырвонай арміі з надпісам «За нашу і вашу свабоду».

Наш канал в Telegram – только интересное и важное. Подписаться >