Штучны інтэлект заспяваў па-беларуску і стварыў песні на малітвы

Жнівень 16, 2024
Written by KATOLIK.LIFE
Published in Соцыум
Add new comment

Святар прапанаваў генератыўнаму ШІ стварыць кампазіцыю на вядомую кожнаму католіку з дзяцінства малітву – і паказаў, што з гэтага атрымалася.

Беларускі каталіцкі святар Аляксандр Улас апублікаваў аўдыё, створанае генератыўным штучным інтэлектам. На адным з сервісаў святар даў задачу стварыць і праспяваць песню на словы малітвы па-беларуску да Анёла-Ахоўніка, якую кожны католік ведае з дзяцінства, – «Анёле Божы, дружа мой».

Песня атрымалася лірычнай, як і яшчэ адзін твор – «Прывітанне Найсвяцейшай Панны Марыі». А вось на словы малітвы Te Deum («Цябе, Бога, праслаўляем») сервіс чамусьці вырашыў стварыць рэчытатыў у зусім іншым стылі – «цяжкага» хіп-хопу.

Дарэчы, аказалася, што штучны інтэлект «спявае» па-беларуску амаль без акцэнту і толькі дзе-нідзе ставіць націскі няправільна. Якім атрымаўся вынік – слухайце ніжэй.