BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Каталіцкіх святароў няма сярод вызваленых беларускіх вязняў

Каталіцкіх святароў няма сярод вызваленых беларускіх вязняў

Як раз у гэты дзень адбылося ўручэнне даверчых грамат Апостальскім нунцыем у Беларусі.

У чарговую групу вызваленых беларускіх вязняў не ўвайшлі зняволеныя каталіцкія святары. Сярод 52 чалавек, якія 11 верасня выйшлі на волю, няма ксяндза Генрыха Акалатовіча і айца Анджэя Юхневіча.

У вернікаў былі чаканні, што іх таксама вызваляць, тым больш, што як раз у гэты дзень адбылося ўручэнне даверчых грамат Апостальскім нунцыем у Беларусі арцыбіскупам Іньяцыё Чэффаліа. Ёсць спадзяванні, гэтая падзея паскорыць вызваленне святароў.

Каментара з боку каталіцкага іерарха адносна сустрэчы на вышэйшым узроўні пакуль няма. У афіцыйных медыя паведамляецца толькі пра тое, што «ў Беларусі высока цэняць пазіцыю Ватыкана супраць санкцый» і «гатовы абмяркоўваць любыя пытанні глабальнага і двухбаковага фармату з новым прадстаўніком Пантыфіка».

Нагадаем, паводле апошніх неафіцыйных звестках, абодва святары, якія асуджаныя на вялікія тэрміны зняволення, знаходзяцца ў бабруйскай калоніі.

Наш канал в Telegram – только интересное и важное. Подписаться >

Tagged under
Дадаць каментарый

Ахоўны код
Абнавіць