Інфаркт, цяжкі стан. З'явіліся звесткі пра зняволенага ў Беларусі святара і яго абвінавачванне

Як даведаліся беларускія вернікі, ксёндз Анатоль Парахневіч, які служыць пробашчам у Вілейскім раёне і знаходзіцца ў зняволенні ўжо больш за месяц, перанёс інфаркт. Паводле звестак вернікаў, 65-гадовы святар застаецца ў следчым ізалятары ў цяжкім стане.

Таксама, наколькі вядома беларускім вернікам, ксяндза абвінавачваюць у «здрадзе дзяржаве». У чым канкрэтна – інфармацыі няма. Мяркуецца, што святара трымаюць у СІЗА КДБ. Арыштоўваюць яго прыязджалі невядомыя людзі ў масках на некалькіх машынах, яго дом апячаталі.

Раней мы паведамлялі, што ў вернікаў з'явілася версія аб падставе для зняволення святара. Калі сапраўды менавіта тое, пра што здагадваюцца вернікі, стала нагодай для арышту ксяндза, то святар зняволены несправядліва – у яго дзеяннях няма ніякага злачынства.

Нагадаем, таксама па абвінавачванні ў «здрадзе дзяржаве» быў асуджаны ксёндз Генрых Акалатовіч, якога вызвалілі пры пасрэдніцтве Ватыкана за чатыры месяцы да арышту ксяндза Анатоля Парахневіча.

Наш канал в Telegram – только интересное и важное. Подписаться >