BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Біскуп Гродзенскі паказаў гадзіннік, які яму падарылі. Чым ён асаблівы?

Біскуп Гродзенскі паказаў гадзіннік, які яму падарылі. Чым ён асаблівы?

Гэта вельмі рэдкі гадзіннік з лімітаванай калекцыі, які набыць ужо немагчыма.

Падчас візіту ў парафію ў Вiшнева ў Смаргонскім раёне біскуп Гродзенскі Уладзімір Гуляй атрымаў ад вернікаў рэдкі падарунак. Гэта механічны гадзіннік мінскага завода «Луч» з калекцыі «Гародня». На ім змешчана рэпліка цыферблату вежавага гадзінніка гродзенскага катэдральнага касцёла, які з'яўляецца самым старадаўнім гадзіннікам з тых, што дзейнічаюць у Еўропе.

З адваротнага боку выгравіравана выява іншай знакамітай гродзенскай каталіцкай святыні, але знішчанай, Фары Вітаўта. Здымак апублікавала Аляксандра Шчыглінская.

Гэта вельмі рэдкі гадзіннік з лімітаванай калекцыі, які набыць ужо немагчыма. Яго выпусцілі ў 2019 годзе ў колькасці 150 штук. Частку з іх выкупіла парафія ў Вішневе і цяпер дорыць гадзіннік кожнаму іерарху, які наведвае святыню. У продажы такіх гадзіннікаў болей няма.

Дарэчы, у паўсядзённым жыцці, як мы заўважылі, біскуп Гродзенскі носіць смарт-гадзіннік Apple Watch.

Наш канал в Telegram – только интересное и важное. Подписаться >

Tagged under
Дадаць каментарый

Ахоўны код
Абнавіць