Як гучыць Бах на 100-гадовым аргане ў драўляным беларускім касцёле, паказала парафія

У драўляным касцёле ў вёсцы Парэчча Гродзенскага раёну, у якім знаходзіцца старадаўні арган, 12 ліпеня адбыўся канцэрт у межах фестывалю арганнай музыкі Ars Magna Organi.

100-гадовы арган зайграў творы Баха, Вайса і іншых знакамітых аўтараў у пары з класічнай гітарай, паведаміла парафія. На аргане грала выканаўца з Мінска Аляксандра Машуціна [глядзіце відэа ніжэй].

А 18 ліпеня ў касцёле ў Пружанах на Брэстчыне адбудзецца важная падзея: асвячэнне і інаўгурацыя новага ў Беларусі аргана. Яму таксама ўжо больш за 100 гадоў. Гэта інструмент галандскага майстра, які знаходзіўся ў рэфарматарскіх храмах у Нідэрландах, а ў 2026 годзе быў перавезены ў Пружаны.

Для Беларусі гэта вельмі рэдкая падзея – перанос гістарычнага інструмента заходнееўрапейскай арганабудаўнічай традыцыі. Усяго ў Беларусі цяпер два гістарычных галандскіх аргана – яшчэ адзін быў перанесены ў магілёўскі касцёл у 2018 годзе.

Інаўгурацыйны канцэрт 18 ліпеня дасць Штэфан Энгельс (Германія/ЗША) – прафесар універсітэту ў Даласе, паведаміў мастацкі кіраўнік фестывалю Аляксандр Бурдзялёў.