Папа: абарона прыроды - абавязак не “зялёных”, а хрысціян
- Written by katolik-gomel.by
- Published in Царква
- Add new comment
"Хрысціянін, які не бароніць стварэння, не дапамагае яму расці – гэта хрысціянін, якога не хвалюе праца Бога".
Хрысціяне пакліканы бараніць стварэнне, нагадаў папа Францішак 9 лютага 2015 г. падчас ранішняй Эўхарыстыі ў Ватыкане. У сваёй гаміліі Пантыфік падкрэсліў, што справа стварэння, пра якую ідзе гаворка на старонках Кнігі Быцця, не была закончана і яе працягнуў Езус, вяртаючы людзям збаўленне. “Езус прыйшоў адрадзіць тое, што было знічшана грахом”, сказаў ён.
Тут, паводле Святога Айца, гаворка ідзе пра сапраўднае “другое стварэнне” – яшчэ “больш цудоўнае за першае”. На “першае”, якім з’яўляецца стварэнне сусвету, неабходна адказаць клопатам аб прыродзе, перакананы Францішак. “Мы з’яўляемся гаспадарамі створанага, а не валадарамі”, нагадаў ён. Клопат аб прыродзе, на думку Папы, гэта цалкам хрысціянская справа. “Калі мы чуем, што людзі збіраюцца, каб паразважаць аб абароне стварэння, можам падумаць: “Гэта зялёныя”. Не, яны не “зялёныя”! Гэта па-хрысціянску! Гэта наш адказ на першае стварэнне Бога! Гэта наша адказнасць! Хрысціянін, які не бароніць стварэння, не дапамагае яму расці – гэта хрысціянін, якога не хвалюе праца Бога, праца, крыніцай якой з’яўляецца любоў Бога да нас”, сказаў Святы Айцец.
У сваю чаргу, адказам хрысціян на “другое стварэнне”, павінна быць прымірэнне з Богам і людзьмі, “вытрываласць у веры”, лічыць Францішак. Ён заклікаў “крочыць шляхам унутранага прымірэння, прымірэння ў супольнасці, таму што прымірэнне – гэта справа Хрыстовая”. На заканчэнне гаміліі Святы Айцец заклікаў вернікаў маліцца, каб годна адказаць на справу любові, якую учыніў і працягвае чыніць Бог.
Related items
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?