У Пінску пабудуюць другі ў горадзе касцёл

Люты 13, 2015
Written by katolik-gomel.by
Published in Царква
Add new comment

Рымска-каталіцкая парафія ў гонар Святога Бенедыкта зарэгістравана ў райцэнтры.

У мікрараёне Лугі ў Пінску асвячоны крыж на месцы будаўніцтва касцёла Святога Бенедыкта. Гэта будзе другі ў райцэнтры касцёл, пакуль адзіны дзеючы каталіцкая храм - кафедральны касцёл Унебаўзяцця Найсвяцейшай Панны Марыі.

Дарэчы, у Пінску захаваўся будынак старадаўняга касцёла Карла Барамея, але з савецкага часу тут знаходзіцца канцэртная зала, а ў былым касцёле Бернардынаў, які пасля паўстання Кастуся Каліноўскага царскія ўлады перадалі праваслаўным, зараз знаходзіцца Свята-Варварынская царква.

Чацвёрты касцёл - Святога Станіслава, велічны будынак, ўзарвалі ў 1953 годзе дзеля рэканструкцыі плошчы Леніна.

Tagged under

Related items