Дзяржсакратар Ватыкана: ваенная аперацыя ў Лівіі павінна быць апошнім рашэннем
- Written by katolik-gomel.by
- Published in Царква
- Add new comment
«Пагрозы тэрарыстаў у адрас Ватыкана беспадстаўныя, але мы павінны быць пільныя».
Кардынал Пьетра Паралін лічыць, што вайсковая аперацыя павінна быць апошнім з магчычых сродкаў для вырашэння праблемы, звязанай з сітуацыяй у Лівіі. Аб гэтым ён сказаў пасля сустрэчы з Прэзідэнтам Італіі Серджа Матарэла і прэм’ер-міністрам Матэа Рэнцы, якая прайшла 18 лютага 2015 г. з нагоды чарговай гадавіны падпісання Латэранскіх пагадненняў. Пасля яе заканчэння, адказваючы на пытанні журналістаў, пурпурат прызнаўся, што галоўным чынам гаворка ішла пра сітуацыю на Блізкім Усходзе і ў Паўночнай Афрыцы.
“Мы размаўлялі аб Лівіі, аб важнасці пачатку дыпламатычнай ініцыятывы і аб тым, што любога роду вайсковае ўмяшанне павінна адбывацца згодна з нормамі міжнароднай законнасці, гэта значыць па ініцыятыве ААН. Існуе пагроза, сітуацыя складаная і патрабуецца адзінадушнае рашэнне міжнароднай супольнасці, як мага хутчэйшае рашэнне ААН”, - сказаў ватыканскі іерарх.
Гаворачы пра пагрозы тэрарыстаў у адрас Ватыкану, кардынал Паралін, спаслаўся на Міністра ўнутраных спраў Італіі, які запэўніў ў іх беспадстаўнасці. “Канешне, “Ісламская дзяржава” вядзе інфармацыйную вайну. Але гэта не азначае, што мы не павінны быць уважлівымі, пільнымі”, - сказаў пурпурат.
Сітуцыя на Блізкім Усходзе і ў Паўночнай Афрыцы абвастрылася пасля таго, як ў Лівіі тэрарысты “Ісламскай дзяржавы” забілі 21-го егіпецкага хрысціяніна-копта. У адказ ваенна-паветраныя сілы Егіпта нанеслі ўдар па пазіцыях баевікоў.
Related items
-
У пілігрымцы ў Рым беларускія католікі не выкарыстоўвалі сімволіку краіны
-
Беларусь «не павінна адчуваць сябе ізаляванай, адкінутай» – Папскі пасланнік
-
Кардынал Гуджэроці звярнуўся да дзяржслужачых і ўсіх жыхароў Беларусі
-
Скандзіравалі «Беларусь!» перад Папам, пачулі пра сваю місію, перажылі гістарычную падзею: 500 беларускіх католікаў у Рыме
-
Яшчэ адзін касцёл закрыюць у Мінску. Што пра гэта і іншыя балючыя пытанні распавялі біскупы Папе Рымскаму?