У ААН падпісана дэкларацыя аб абароне хрысціян Блізкага Усходу
- Written by katolik-gomel.by
- Published in Царква
- Add new comment
Свае подпісы пад дакументам паставілі прадстаўнікі больш чым 50 дзяржаў, у тым ліку і Рэспублікі Беларусь.
13 сакавіка 2015 г. на 28-й сесіі Рады ААН па правах чалавека ў Жэневе была прадстаўлена сумесная дэкларацыя ў абарону хрысціянскіх і іншых супольнасцяў Блізкага Усходу. Тэкст заявы быў сфармуляваны ініцыятыўнай групай, у склад якой увайшлі прадстаўнікі Святога Пасада, Расійскай Федэрацыі і Лівана. Свае подпісы пад дакументам паставілі прадстаўнікі больш чым 50 дзяржаў, у тым ліку і Рэспублікі Беларусь.
У дэкларацыі гаворыцца аб тым, што вострыя канфлікты на Блізкім Усходзе маюць катастрафічныя наступствы для ўсяго насельніцтва гэтага рэгіёна. Асабліва пакутуюць хрысціяне. Насілле, рэлігійная і этнічная нянавісць, фундаменталісцкі радыкалізм, экстрэмізм, няцерпімасць ставяць пад пагрозу існаванне многіх супольнасцяў, у тым ліку і хрысціянскіх. Мільёны людзей вымушаны пакінуць зямлю продкаў. Тыя, хто застаецца, жывуць пад пастаяннай пагрозай рэпрэсій і насілля з боку так званай “Ісламскай дзяржавы”, “Аль-Каіды” і іншых тэрарыстычных груп: іх пазбаўляюць дамоў і зямлі, прадаюць у рабства, забіваюць, караюць смерцю. Разбураны дзясяткі хрысціянскіх цэркваў і старажытных святыняў розных рэлігій, канстатуецца ў дакуменце.
Аўтары дэкларацыі заклікалі ўрады, а таксама грамадскіх і рэлігійных лідараў Блізкага Усходу прыняць меры па вырашэнню гэтай сур'ёзнай праблемы і спрыяць пабудове культуры мірнага суіснавання. Яны заклікалі міжнародную супольнасць падтрымаць старажытныя этнічныя і рэлігійныя супольнасці Блізкага Усходу, калыскі сусветных рэлігій. Гэта падтрымка неабходна для аднаўлення здаровага міжкультурнага грамадства і палітычнай сістэмы, якая гарантуе правы чалавека, у тым ліку і права на свабоду веравызнання, гаварыцца ў дэкларацыі.
Related items
- Ці ўступаць у піянеры, спыталі ў вернікаў – частка адказаў здзівіла
- З 7 дзецьмі пасля 25 сутак вядомы прапаведнік пакінуў Беларусь
- У Ізраілі католікі з Беларусі спакойна перажылі атаку Ірана, але «вайна дастала»
- Папа Рымскі прыняў у Ватыкане шамана – той папрасіў аб дапамозе
- Паранены святар, пасадка бульбы: як жывуць пры абстрэлах вернікі Харкава і рэгіёну