Папу просяць паставіць кропку ў пытанні геяў і разведзеных
- Written by katolik-gomel.by
- Published in Царква
- Add new comment
Зварот падпісалі таксама кардыналы і біскупы.
Каля 800 000 подпісаў былі сабраныя ў рамках “Сыноўняга прашэння да Францішка адносна будучыні сям’і”, якое 29 верасня 2015 г. было ўручана Святому Айцу. Подпісы былі сабраны ў 178 краінах. Зварот падпісалі, у прыватнасці, 202 кардыналы, арцыбіскупы і біскупы.
У “прашэнні” гучыць заклік да Папы, каб ён “узяў слова і развеяў непаразуменні”, якія выклікалі замяшанне сярод многіх католікаў адносна магчымасці допуску да прыняцця св. Камуніі разведзеных, якія жывуць у новых саюзах, “што б адчыніла ў Касцёле зазор, праз які магла б наступіць легалізацыя чужалоства”. На думку аўтараў звароту, тыя ж непаразуменні існуюць і адносна гомасексуальных саюзаў, і толькі сам Папа можа развеяць гэтыя сумневы і замяшанне, якое ўзнікае вакол іх.
Прадстаўнік арганізатараў акцыі, прафесар біяэтыкі Еўрапейскага ўніверсітэта ў Рыме, Тамаза Скандроліа сказаў, што ініцыятыва выклікала шырокі рэзананс у сродках масавай інфармацыі і ўключылася канструктыўным чынам у перадсінадальную дыскусію.
Трэба нагадаць, што Сінод Біскупаў на тэму сужэнства і сям’і пачынаецца ў Ватыкане ўжо ў гэту нядзелю, 4 кастрычніка 2015 г.
Related items
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне