У Беларусі не будзе шэсцяў 1 мая з-за Пасхі ў праваслаўных

1 траўня адна частка грамадства будзе святкаваць Уваскрасенне Езуса Хрыста, а іншая - ушаноўваць Леніна, заўзятага атэіста і праціўніка Царквы. Аднак масавых мерапрыемстваў, прысвечаных Дню працы, у Беларусі не будзе - Вялікдзень прызналі больш важным святам.

1 мая - Дзень працы, адно з галоўных святаў сацыялістаў і камуністаў - у 2016 годзе супаў са святкаваннем Пасхі ў Праваслаўнай царкве. У сувязі з гэтым у Беларусі не будуць шырока адзначаць Дзень працы, адменены мітынгі і шэсці, якія традыцыйна праходзяць пад чырвонымі камуністычнымі сцягамі. Як гаворыцца ў афіцыйным паведамленні - па просьбе праваслаўнага духавенства і саміх працоўных калектываў.

У Мінску на 1 мая запланаваны толькі лакальныя мерапрыемствы - ускладанне кветак да помніка Леніна і свята ў парку імя Горкага. Напярэдадні Федэрацыя прафсаюзаў Беларусі правядзе ўрачысты сход. У іншых гарадах, у прыватнасці, у Гомелі, урачыстыя сходы прафсаюзаў таксама пройдуць напярэдадні Дня працы, а на 1 мая запланаваны толькі невялікія святочныя мерапрыемствы ў парку.

Дзень працы шырока адзначаўся ў Савецкім Саюзе як адно з галоўных святаў, і меў палітычную афарбоўку. Цяпер у многіх краінах свету 1 траўня святкуецца Дзень міжнароднай салідарнасці працоўных.