Беларускі манах набірае «лайкі» за фота са спортзалы

Сакавік 31, 2017
Written by katolik-gomel.by
Published in Царква
Add new comment

Айцец-марыянін з Росіцы распавёў, што пачаў заняткі ў «качалцы».

Манах-марыянін з беларускай Росіцы айцец Андрэй Сідаровіч MIC усур'ёз заняўся спортам. Айцец Андрэй - вядомы ў Беларусі святар, ён актыўна праводзіць евангелізацыю ў Інтэрнэце, мае сваю старонку ў сацсетцы «Вконтакте». Але калі звычайна запісы святара набіраюць усяго некалькі «лайкаў», то апошні пост айца-марыяніна менш чым за суткі спадабаўся больш за 70 карыстальнікам сацсеткі.

- Сёння пачаў праграму «раскачай эктаморфа». Пачынаю з 65,4 кг, план - набраць 6-7 кг за два-тры месяцы. Дапамагаюць Дзёня і Мішаня + банка спортпіта! - напісаў святар і прыклаў адпаведнае фота з трэнажорнай залы. У каментарах святара падтрымліваюць сябры.

Нагадаем, на праваслаўнае Вадохрышча айцец Андрэй акунаўся ў палонку з ледзяной вадой.

Tagged under