На святы ля храмаў міліцыя арганізуе прапускны рэжым

Красавік 5, 2017
Written by katolik-gomel.by
Published in Царква
Add new comment

Перад Вербніцай і Вялікаднем цэрквы і касцёлы правераць сапёры.

МУС Беларусі паведаміла пра тое, што міліцыя ўзмоцніць кантроль на красавіцкія рэлігійныя святы. Нагадаем, католікі і праваслаўныя адзначаць Вербніцу 9 красавіка, Вялікдзень - 16 красавіка, а 25 красавіка праваслаўныя будуць адзначаць Радаўніцу.

- Месцы набажэнстваў, а таксама прылеглыя да іх тэрыторыі загадзя агледзяць спецыялісты сапёрна-піратэхнічных груп. Пры неабходнасці будзе арганізавана ачапленне і прапускны рэжым з выкарыстаннем тэхнічных сродкаў, - гаворыцца ў паведамленні МУС.

Адзначаецца, што на масавыя рэлігійныя мерапрыемствы не будуць дапускаць грамадзян у нецвярозым стане, якія маюць пры сабе колючыя і рэжучыя прадметы, грувасткія рэчы, алкагольныя напоі.

Нагадаем, звычайна прапускны рэжым з праверкай рэчаў металашукальнікамі міліцыя арганізоўвае на каталіцкім фэсце ў Будславе.

Last modified onСерада, 05 Красавік 2017 13:47

Tagged under