Сцяну касцёла ў Росі апаганілі хлопцы 15 і 18 гадоў
- Written by katolik-gomel.by
- Published in Царква
- Add new comment
У працэсе распіцця алкаголю ў іх саспела ідэя напісаць нецэнзурныя словы.
Міліцыя аператыўна знайшла падазраваных у апаганенні сцяны капліцы касцёла Святой Тройцы ў гарадскім пасёлку Рось Ваўкавыскага раёна. Нагадаем, раніцай 16 красавіка, калі католікі святкавалі Вялікдзень, на сцяне капліцы выявілі надпісы апаганьваючага характару. Па факце хуліганскіх дзеянняў раённы аддзел Следчага камітэта распачаў крымінальную справу.
Падазраваных знайшлі ўжо 17 красавіка - імі аказаліся двое мясцовых хлопцаў ва ўзросце 15 і 18 гадоў. Як высветлілася, у Велікодную ноч яны ўжывалі спіртныя напоі, і ў працэсе распіцця ў іх саспела ідэя напісаць нецэнзурныя словы на сцяне капліцы. Прычым, свае дзеянні адзін з хлопцаў здымаў на смартфон. Як адзначаюць ва УУС Гродзенскага аблвыканкама, дадзеныя маладыя людзі грашаць апублікаваннем аналагічных паведамленняў у сацыяльных сетках, а таксама прапагандуюць фашысцкую сімволіку.
Касцёл у Росі вядомы не толькі ў Беларусі. Славіцца ён цудоўнай фігурай Ісуса Журботнага. Менавіта ў Росі таксама штогод праходзяць рэкалекцыі, прысвечаныя ўнутранаму, перш за ўсё духоўнаму, але і фізічнаму аздараўленню. Пробашчам тут служыць экзарцыст Гродзенскай дыяцэзіі кс. Чэслаў Паўлюкевіч.
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Беларусы даказваюць у судах «польскія карані» – з дапамогай веры