У Мінску правядуць акцыі ў абарону жыцця і сям'і

Прыняць удзел у евангелізацыйнай акцыі ў абарону жыцця і сям'і ў Мінску прапануюць хрысціянскія вернікі. Акцыі, арганізаваныя ГА «Уратаванне немаўлятаў», пройдуць у Лошыцкім парку ў бліжэйшыя суботы (10 і 17 чэрвеня) з 11.00 да 19.00 і нядзелі (11 і 18 чэрвеня) з 14.00 да 19.00.

- Гэта час, калі мы можам людзям расказаць пра Хрыста, пра каштоўнасць чалавечага жыцця, пра сямейныя каштоўнасці. Будзе стаяць палатка з літаратурай і буклетам, а мы будзем проста размаўляць з людзьмі, слухаць і проста быць. Можна узяць з сабой гітару і паспяваць. Хто можа паслужыць транспартам - паслужыце, ёсць патрэба. На славу Божую! - паведаміў душпастыр грэка-каталіцкай парафіі ў Мінску айцец Аляксандр Шыбека і папрасіў жадаючых дапамагчы ў правядзенні акцыі даслаць свае кантакты яму ў Фэйсбуку (Aliaksandr Shybeka).

Нагадаем, нядаўна ў Гомелі ГА «Уратаванне немаўлятаў» правяло аўтапрабег у абарону жыцця.