У касцёле Магілёва адмянілі Імшу на рускай мове
- Written by katolik.life
- Published in Царква
- Comments (26)
Наведвальнасць рускамоўнай службы была невялікай.
З мінулай нядзелі ў магілёўскай каталіцкай парафіі Унебаўзяцця Найсвяцейшай Панны Марыі і св. Станіслава не цэлебруюць Імшу на рускай мове. Нагадаем, афіцыйная мова Каталіцкай царквы ў Беларусі - беларуская, і святая Імша ў касцёлах цэлебруецца па-беларуску, таксама па нядзелях у большасці парафій праводзяць службы на польскай мове.
Але ў канцы мінулага года ў магілёўскім касцёле вырашылі правесці эксперымент і адну з нядзельных службаў перавялі на рускую мову - па просьбе вернікаў расійскага паходжання. Цяпер рускамоўную Імшу адмянілі з-за арганізацыйных цяжкасцяў, у той жа час адзначаецца, што наведвальнасць Імшы на рускай мове была невялікай.
У яшчэ адным усходнім абласным цэнтры, Гомелі, святая Імша адбываецца часткова на рускай мове - тут падчас літургіі Слова Божае чытаецца па-руску.
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- «Каб гэтае заданне я выканаў добра». Новы біскуп і вернікі пракаментавалі падзею
- Беларусы Вільні маліліся на роднай мове ля сусветна вядомага абраза