Касцёл з'явіцца ў Давыд-Гарадку: гістарычны будынак вярнулі католікам
- Written by Katolik.life
- Published in Царква
- Comments (1)
Каля 70 гадоў у памяшчанні храма размяшчаўся Дом культуры.
У Давыд-Гарадку на беларускім Палессі зноў з'явіцца дзеючы каталіцкі храм. Касцёл Божага Цела быў пабудаваны тут на грошы вернікаў пры польскай уладзе, у канцы 1930-х гадоў, перад пачаткам Другой сусветнай вайны і далучэннем Заходняй Беларусі да савецкай рэспублікі. На той момант у горадзе налічвалася больш за 2,5 тыс. католікаў. З прыходам новай улады храм зачынілі, перабудавалі пад клуб і знеслі званіцу.
Дом культуры размяшчаўся тут амаль 70 гадоў, але ў 2017 годзе ў рамках абласных «Дажынак» для клуба рэканструявалі будынак былога кінатэатра. Дом культуры пераехаў у новае памяшканне, а пусты будынак аддалі Пінскай дыяцэзіі Рымска-каталіцкай царквы ў Беларусі.
Зараз каталіцкая парафія ў Давыд-Гарадку праходзіць працэс рэгістрацыі, плануецца, што яе пробашчам будзе кс. Андрэй Шут, экзарцыст Пінскай дыяцэзіі.
Касцёлы ў Давыд-Гарадку будавалі тройчы, пачынаючы з 17-га стагоддзя. Але першыя два храма згарэлі, а трэці адабралі савецкія ўлады. Зараз у касцёла пачынаецца новае жыццё, вернікі ўжо прыступілі да рамонту будынка.
Related items
-
Беларусь «не павінна адчуваць сябе ізаляванай, адкінутай» – Папскі пасланнік
-
Кардынал Гуджэроці звярнуўся да дзяржслужачых і ўсіх жыхароў Беларусі
-
Скандзіравалі «Беларусь!» перад Папам, пачулі пра сваю місію, перажылі гістарычную падзею: 500 беларускіх католікаў у Рыме
-
Старадаўнюю капліцу знесла аўто ў Смаргонскім раёне: якой яна была
-
500 вернікаў з Беларусі падарожнічаюць па Еўропе і дзеляцца ўражаннямі
RSS-стужка каментароў гэтага запiсу