У Мінску адкрываецца асамблея каталіцкіх біскупаў Еўропы
- Written by katolik.life
- Published in Царква
- Add new comment
Сярод гасцей сустрэчы - прэзідэнт Беларусі і кіраўнік Праваслаўнай царквы.
27 верасня - 1 кастрычніка ў Мінску праходзіць штогадовае Пленарнае пасяджэнне Рады еўрапейскіх біскупскіх канферэнцый Каталіцкай царквы, у якім прымаюць удзел кіраўнікі ўсіх біскупскіх канферэнцый, якія прадстаўляюць 45 краін кантынента. Упершыню ў гісторыі Пленарная асамблея накіруецца ў Беларусь для сустрэчы з мясцовай каталіцкай супольнасцю, паведаміла Katolik.life прэс-служба Рады еўрапейскіх біскупскіх канферэнцый.
Адзначаецца, што на першым пасяджэнні будуць прысутнічаць кіраўнік Беларускай праваслаўнай царквы Мітрапаліт Мінскі і Заслаўскі Павел, віцэ-прэм'ер-міністр Рэспублікі Беларусь Васіль Жарко, мэр Мінска Андрэй Шорац і прадстаўнікі іншых рэлігій, якія прысутнічаюць у краіне. Раніцай у чацвер, 28 верасня, у пленарным пасяджэнні запланаваны ўдзел прэзідэнта Беларусі.
Старшыні біскупскіх канферэнцый Еўропы прыбудуць у Мінск 28 верасня, і ў рамках асамблеі наведаюць некаторыя рымска-каталіцкія парафіі Мінска. Біскупы і кардыналы правядуць службы ў архікатэдральным і Чырвоным касцёлах, а таксама ў касцёле Найсвяцейшай Тройцы (св. Роха) на Залатой Горцы, сустрэнуцца з вернікамі.
- Правядзенне пленарнага пасяджэння - гэта вялікі гонар як для Касцёла ў Беларусі, так і для нашай краіны. Падзея, якая чакае нас, з'яўляецца беспрэцэдэнтнай у гісторыі Каталіцкага Касцёла і нашай Айчыны. Яшчэ ніколі Беларусь адначасова не наведвала паўсотні вышэйшых іерархаў Каталіцкага Касцёла старога кантынента. Упэўнены, што асабістыя кантакты паміж царкоўнымі іерархамі Еўропы і кіраўніцтвам нашай дзяржавы, прадстаўнікамі розных канфесій і рэлігій, вернікамі і гасцінная атмасфера Мінска дапамогуць еўрапейскім біскупам лепш зразумець сітуацыю Каталіцкага Касцёла ў Беларусі і будзе спрыяць далейшаму развіццю яе адносін з дзяржавай, грамадствам і рознымі веравызнаннямі, - звярнуўся да вернікаў Мітрапаліт Тадэвуш Кандрусевіч.
Нагадаем, у цэнтры ўвагі Пленарнага пасяджэння - тэма моладзі, у прыватнасці фігуры маладога чалавека сёння, яго жаданні, патрэбы, страхі, чаканні і адносіны, праблемы, якія сёння свет ставіць перад Касцёлам у пастырскай працы і ў абвяшчэнні Евангелля гэтай катэгорыі людзей, якія складаюць будучыню Касцёла.
Другая тэма Пленарнага пасяджэння будзе прысвечана Еўропе, у прыватнасці ўкладу і місіі Касцёла ў будаўніцтва еўрапейскага агульнага дома. У Мінску прэзідэнты біскупскіх канферэнцый абмяркуюць, як абвяшчаць Евангелле Хрыста ў Еўропе.
Вынікам пленарнага пасяджэння стане заключны дакумент, змест якога будзе прыняты пад увагу пры падрыхтоўцы наступнага Сінода Біскупаў па пытаннях моладзі, які пройдзе ў Рыме ў жніўні 2018 г.
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў