У беларускай вёсцы каталіцкую парафію адкрылі ў былой бібліятэцы [фота]
- Written by Katolik.life
- Published in Царква
- Add new comment
Дапамогу ў рэканструкцыі будынку аказала мясцовае сельгаспрадпрыемства.
14 студзеня ў вёсцы Зорка Шаркаўшчынскага раёна Віцебскай вобласці адбылося ўрачыстае асвячэнне малітоўнай святыні. Тут, у былым памяшканні мясцовай бібліятэкі, з'явілася каталіцкая капліца. Гэта асаблівая падзея ў жыцці парафіянаў адбылася дзякуючы падтрымцы сельгаспрадпрыемства ААТ «Ельня-Агра», у рэканструкцыі паловы дома ў культавы будынак істотную дапамогу аказалі і многія мясцовыя жыхары.
Пабудова разлічана прыблізна на 40 месцаў, што дастаткова для ўсіх тутэйшых вернікаў. Набажэнствы па нядзелях і святочных днях будзе праводзіць пробашч Германавіцкага касцёла Перамянення Пана ксёндз Ян Пугачоў. Ён жа і асвяціў новую капліцу. Святара вернікі сустрэлі хлебам-соллю, шчыра вітаючы з прыездам, піша раённая газета «Кліч Радзімы».
- Падчас літургіі мы молімся, каб капліца паказвала людзям, што ў жыцці самае важнае, і вяла ўсіх да Бога, - адзначыў кс. Ян.
Фота - газета «Кліч Радзімы».
Related items
-
Чарговы храм пацярпеў ад вайны – гэтым разам у Адэсе
-
Яшчэ адзін польскі святар пасля шматгадовага служэння пакідае Беларусь. А што з іншымі?
-
У Мінску пачалося будаўніцтва новага касцёла – на ахвяраванні вернікаў
-
Хацеў памерці ў Беларусі. Вернік наведаў ксяндза, які пасля 36 гадоў служэння вымушана вярнуўся ў Польшчу
-
Пры загадкавых абставінах у Рыме памёр вядомы расійскі святар