Пост без крывадушнасці. Знаходзім сябе ў нядобрым спісе
- Written by Katolik.life
- Published in Царква
- Comments (1)
Пасціцца можна з чырвонай рыбай і ёсць рыжыкі ў рэстаране - толькі ці сапраўдны гэта пост?
Калі Гасподзь Езус распавядаў вучням, які пост з'яўляецца сапраўдным (гэта чытанне мы чулі ў Папяльцовую сераду), вялікую ўвагу Ён надаваў праблеме крывадушнасці. Бессэнсоўна пасціцца крывадушна - гэта значыць, рабіць выгляд, што посцішся.
Katolik.life вырашыў працягнуць спіс прыведзеных Езусам прыкладаў і сабраць распаўсюджаныя выпадкі крывадушнасці падчас паста. Каму не падабаецца тое, што мы вырашылі выконваць пост? Вядома, сатане, які і спрабуе нас схіліць да крывадушнасці, каб ліквідаваць усе нашы намаганні. Паспрабуем яго выкрыць.
Хоць у Вялікім посце ўстрымлівацца ад ежы - не галоўнае (бо самае важнае - каб справы нашы перасталі быць злымі), але практыка пасціцца таксама з'яўляецца важнай, дапамагаючы набліжацца да Бога праз валявыя намаганні, барацьбу з грахоўнымі прыхільнасцямі. Таму пагаворым пра ежу.
* Я не рыхтую сняданак (абед, вячэру), таму што пост. На самай справе - спрабую апраўдаць сваю ляноту.
* Нельга есці мяса, таму я ем чырвоную рыбу, мідыі, прамезан, рыжыкі. Правільны адказ - я хачу добра і смачна паесці.
* Раней у абед я еў бутэрброды з каўбасой, а цяпер хаджу ў кавярню, бо там ёсць нішчымнае меню. А праўда ў тым, што стаў марнаваць больш грошай, якія мог бы аддаць на міласціну.
* Я не купляю сваім дзецям прысмакі з-за паста. У рэальнасці - я сквапны.
* Раней хадзіў на працу пешшу, а цяпер стаў ездзіць на транспарце, бо пашчуся і аслабеў. Рэальнасць: лашчу сваё цела.
* У пятніцу я па-ранейшаму ем пельмені, бо там усё адно няма сапраўднага мяса. Проста крывадушнае абжорства.
* У пост даеў кілбасу, каб не сапсавалася. Выйсце: аднесці пакет з прадуктамі да сметніцы, каб яго забралі бяздомныя.
* Я не выконваю пост, бо ведаю, што не змагу яго вытрымаць. Па факце, гэта недавер Богу і Ягонай ласцы.
Нагадаем, што калі нас частуюць «забароненым» прадуктам іншыя, то адмаўляцца ад гэтага з-за паста - таксама крывадушнасць. Бо посцім перад Богам, а не перад людзьмі. А прыведзены спіс запрашаем дапоўніць у каментарах сваёй крывадушнасцю :)
Related items
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
Поститься и злиться на близких, которые не постятся.
Заставлять поститься родных, которые на готовы к этому.
Моё любимое: есть колбасу после пятницы, как только часы покажут 12.
Прости, Господи...
RSS-стужка каментароў гэтага запiсу