Беларускія католікі моляцца аб дажджы
- Written by KATOLIK.LIFE
- Published in Царква
- Add new comment
Таксама біскупы заклікаюць не спыняць малітву аб абароне ад каронавірусу, а ў нядзелю - памаліцца за ахвяраў Чарнобыля
Апошнім часам да праблемы каранавірусу далучылася праблема небяспечнай засухі, якая можа вельмі негатыўна паўплываць на будучы ўраджай, яшчэ больш падарваць народную гаспадарку і пагоршыць эканамічную сітуацыю людзей, адзначыў старшыня Канферэнцыі каталіцкіх біскупаў у Беларусі арцыбіскуп Тадэвуш Кандрусевіч.
Ён нагадаў, што 26 красавіка будзе адзначацца 34-я гадавіна Чарнобыльскай катастрофы, таму заклікаў вернікаў да малітваў у інтэнцыі спынення каранавірусу далучыць малітвы аб такім патрэбным дажджы, а ў нядзелю 26 красавіка памаліцца таксама за ахвяраў Чарнобыльскай катастрофы, паведамляе Catholic.by.
Напярэдадні з заклікам да малітвы аб дажджы да мясцовых каталіцкіх вернікаў звярнуўся біскуп Гродзенскі Аляксандр Кашкевіч:
- У апошнія тыдні шмат краін у свеце - у тым ліку і Беларусь - змагаюцца з эпідэміяй каранавірусу. Акрамя гэтага цяжкага досведу, яшчэ адной нагодай да смутку з’яўляецца пануючая засуха, якая можа трагічна паўплываць на працу сельскай гаспадаркі.
Раней гомельскія вернікі маліліся аб дажджы - калі ўлетку працяглы тэрмін не было ападкаў. Упершыню анамальная засуха прыйшла ўвесну.
Паводле сіноптыкаў, у бліжэйшыя выходныя ў Беларусі пройдуць дажджы - але не ў такой вялікай колькасці, якой патрабуе зямля і водныя рэсурсы краіны.
Related items
-
Беларускі біскуп заклікаў да малітвы за перамовы Украіны і Расіі
-
Замест ксяндза – біскуп. У Беларусі нагадалі пра востры недахоп святароў
-
Вось як аднавілі капліцу, якую знёс п'яны кіроўца на Смаргоншчыне
-
Упершыню ва ўсёй Беларусі не адбылася малітва на месцы гібелі ахвяр рэпрэсій. Апошнім быў Гомель
-
Усяго тры чалавекі ў Расіі вучацца ў каталіцкай семінарыі. А як у суседніх краінах?