BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Каталіцкія біскупы папрасілі Маці Божую дапамагчы будаваць новую шчаслівую Беларусь

Да Найсвяцейшай Панны Марыі звярнуліся па дапамогу ў справе паяднання, пераадолення падзелаў і вызвалення ад нянавісці ў грамадстве

На ўрачыстасцях у Бялынічах, якія завяршыліся 18 верасня, каталіцкія біскупы, святары і прысутныя вернікі даручылі Багародзіцы лёс Беларусі і яе народа перад старадаўнім спісам абраза Маці Божай Бялыніцкай. Гэта копія цудатворнага абраза была зроблена пасля цуду Найсвяцейшай Панны Марыі, які адбыўся падчас вайны - менавіта заступніцтву Маці Божай абаронцы беларускага горада Ляхавічы ад маскоўскіх захопнікаў прыпісалі цуд уратавання ад варожай навалы.

Як паведамляе Сatholic.by, новы Мітрапаліт Мінска-Магілёўскі арцыбіскуп Юзаф Станеўскі зачытаў супольную малітву з такімі словамі:

«Табе, наша Каралева і Апякунка, ахвяруем і даручаем саміх сябе і ўсё, што маем: нашу Айчыну - сінявокую Беларусь, наш народ і ўсе яго справы, Касцёл, які адраджаецца і развіваецца, сем’і, народжаных і не народжаных яшчэ дзяцей, моладзь, хворых, церпячых; ахвяруем і давяраем Табе нашыя думкі і клопаты, кожнае біццё нашых сэрцаў і кожны парыў волі. Пакорна просім міласэрнасці і дапамогі, каб мы заўсёды заставаліся вернымі Богу, Касцёлу, Крыжу, Евангеллю і Бацькаўшчыне».

Пасля ўрачыстых абяцанняў арцыбіскуп Юзаф Станеўскі прамовіў да Маці Божай:

«Тваёй абароне аддаемся і верым, што Ты нас ніколі не пакінеш і заўсёды дапаможаш, каб мы ў свабодзе дзяцей Божых будавалі новую і шчаслівую Беларусь на падмурку Евангелля».

Таксама ў Бялынічах днём раней старшыня Канферэнцыі Каталіцкіх Біскупаў у Беларусі біскуп Віцебскі Алег Буткевіч звярнуўся да Найсвяцейшай Панны Марыі з просьбай аб Яе матчыным заступніцтве ў справе паяднання, пераадолення падзелаў і вызвалення ад нянавісці ў беларускім грамадстве:

- Хоць сёння сітуацыя можа здавацца нам безнадзейнай, але Марыя, як у Кане Галілейскай, паказвае выйсце з кожнага безвыходнага становішча. Для гэтага неабходна, як Яна, слухаць Яе Сына Езуса і рабіць тое, што Ён нам кажа.

Нагадаем, таксама ў Бялынічах пасол Ватыкана ў Беларусі заявіў, што неабходна паскорыць вызваленне зняволеных.

Last modified onСерада, 22 Верасень 2021 10:19

Дадаць каментарый

Ахоўны код
Абнавіць