Дзень святога Валянціна адзначылі ў адзінай у Беларусі аднайменнай парафіі
- Written by KATOLIK.LIFE
- Published in Царква
- Add new comment
Для ўдзельнікаў свята падрыхтавалі адмысловыя падарункі - незвычайныя сэрцайкі-«валянцінкі»
Парафіяльны фэст прайшоў у рыма-каталіцкай парафіі Святога Валянціна ў Смалявічах. Напярэдадні ўспаміну гэтага святога, 13 лютага, мясцовыя вернікі сабраліся ў касцёле і прасілі святога Валянціна навучыць Божай любові і прабачэнню.
Фэст пачаўся з выстаўлення Найсвяцейшага Сакраманту і адарацыі, затым адбылася ўрачыстая святая Імша, пасля якой вернікі перад Найсвяцейшым Сакрамантам прачыталі літанію да святога Валянціна і праспявалі гімн «Цябе Бога праслаўляем». Для ўдзельнікаў фэсту падрыхтавалі адмысловыя падарункі - незвычайныя сэрцайкі-«валянцінкі».
- Чалавек створаны з Божай любові і для любові, няхай кожны будзе напоўнены ёй спаўна! Не бойцеся жыць для любові! - адзначаецца на парафіяльнай старонцы.
Пра святога Валянціна, біскупа і мучаніка, захавалася вельмі мала звестак. Валянцін быў біскупам у Тэрні, Італія, каля 268 г. прыняў мучаніцкую смерць, пра акалічнасці якой нічога невядома. Святы Валянцін лічыцца апекуном добрага сужэнства, яго заступніцтва таксама просяць пры эпілепсіях, пры частых стратах прытомнасці.
Media
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Не Галівуд: беларускія святары запусцілі круты праект з асновай на рэальных фактах