Пра цуды, веру і Божае Нараджэнне - біскуп Віцебскі выступіў на ТБ

Снежань 29, 2021
Written by KATOLIK.LIFE
Published in Царква
Add new comment

У перадачы таксама ўзялі ўдзел вiкарый парафii Святой Барбары Вiталь Сапега і моладзь касцёла, якая выступіла са спевамі [відэа]

Апублікаваны запіс тэлеперадачы «Вячэрні Віцебск» з удзелам старшыні Канферэнцыі каталіцкіх біскупаў Беларусі, бiскупа Вiцебскага Алега Буткевiча i вiкарыя парафii Святой Барбары Вiталя Сапегі. Перадача выйшла ў эфір напярэдадні Божага Нараджэння, у Вігілію 24 снежня.

Гаворка вядучых з духавенствам ішла пра сутнасць свята і «галоўны Божы цуд», пра тое, як можна растлумачыць цуды, а таксама пра тое, як усведамляць сябе вернікам і не расчаравацца ў веры, як прыняць дапамогу Бога. Размаўлялі і пра тое, што змяненне клімату з'яўляецца вынікам дзеянняў чалавека.

Таксама ў перадачы двойчы прагучала выступленне супольнасцi моладзi касцёла Святой Барбары і, канешне, віншаванне са святам. Дарэчы, біскуп Алег Буткевіч ужо не першы раз становіцца госцем эфіру тэлерадыёкампанiі «Вiцебск».