Два дні, каб сабраць 4 тыс. рублёў. «Радыё Марыя» ў Беларусі патрэбна дапамога

Студзень 13, 2022
Written by KATOLIK.LIFE
Published in Царква
Add new comment

Каманда не мае магчымасці пакрыць выдаткі, якія абавязаны выплаціць да 15 студзеня

Каталіцкае «Радыё Марыя» мае патрэбу ў фінансавай дапамозе, гаворыцца ў пабліку выдання:

- Праз святы мы амаль цэлы месяц нікуды не выязджалі. Гэта і хораша, і дрэнна. Хораша - бо вандроўнікі адпачылі. Дрэнна - бо няма ані ўражанняў, ані аповедаў, ані тых ахвяраванняў, што даюць людзі ў нашы паходныя скарбонкі. А гэта істотна, - тлумачаць супрацоўнікі радыёстанцыі.

З гэтай прычыны яны цяпер не маюць магчымасці пакрыць тыя выдаткі, якія абавязаны заплаціць да 15 студзеня - гэта дзень падаткаў, адлічэнняў у ФЗАН і выплаты заробкаў. Цяпер на рахунку толькі 2 тысячы рублёў з мінімум 6 тыс., што патрабуецца.

Падтрымаць каманду можна праз ЕРИП: Благотворительность, общественные объединения - Просветительские, культурно-досуговые - Радио РМ.

Нагадаем, у мінулы раз за тыдзень на дапамогу «Радыё Марыя» беларусы пералічылі 7 тыс. рублёў.