За тыдзень на дапамогу «Радыё Марыя» беларусы пералічылі 7 тыс. рублёў

Жнівень 14, 2021
Written by KATOLIK.LIFE
Published in Царква
Add new comment

На просьбу адгукнуліся больш за 180 чалавек

Беларускаму прадстаўніцтву каталіцкага «Радыё Марыя» сабралі неабходную дапамогу ўсяго за тыдзень. Нагадаем, 6 жніўня рэдакцыя звярнулася з просьбай аб фінансавай дапамозе, і ўжо 13 жніўня неабходная сума была сабрана.

- З моманту, калі мы зрабілі свой заклік аб дапамозе, вы пералічылі на патрэбы радыё больш за 7000 рублёў, - паведамляецца на старонцы радыёстанцыі. - Больш за 180 чалавек ужо адгукнуліся, і ахвяраванні яшчэ прыходзяць на студыйны рахунак. Верым, што і надалей наша вялікая хрысціянская супольнасць не дазволіць свайму радыё знікнуць.

У паведамленні адзначаецца, што дзякуючы клопату вернікаў сёння радыё можа выплаціць заробкі супрацоўнікам, падаткі і адлічэнні ў ФСАН. Таксама засталіся сродкі на арэнду памяшкання.