Моцны вецер сарваў частку даху з магілёўскага катэдральнага касцёла
- Written by KATOLIK.LIFE
- Published in Царква
- Add new comment
На апублікаваных фота відаць, як перад уваходам у храм ляжаць часткі разбуранага драўлянага акратавання
Біскупскі вікарый для Магілёва і Магілёўскай вобласці біскуп Аляксандр Яшэўскі паведаміў на сваёй старонцы ў Instagram аб пашкоджанні даху каталіцкага катэдральнага касцёла Унебаўзяцця Найсвяцейшай Панны Марыі і св. Станіслава ў Магілёве. Гэта адбылося з-за моцнага ветру 14 студзеня. У сувязі з гэтым іерарх папрасіў аб падтрымцы. На апублікаваных фота відаць, як перад уваходам у храм ляжаць часткі разбуранага драўлянага акратавання, таксама ёсць дзіры ў даху, якія ўтварыліся пасля буры.
У той жа дзень сіноптыкі абвясцілі аб чырвоным узроўні небяспекі ў Беларусі з-за моцнага ветру. Паведамлялася аб шматлікіх пашкоджанняў будынкаў і канструкцый у Мінску і іншых гарадах у розных рэгіёнах. У штармавым папярэджанні гаварылася пра тое, што хуткасць ветру можа дасягаць 25-27 метраў у секунду. Паводле сіноптыкаў, 15 студзеня моцны вецер захаваецца, але ягоная хуткасць будзе меншай.
Media
Related items
-
У беларускім Касцёле адрэагавалі на крытыку ў адрас Папы – але не афіцыйна
-
Каталіцкі святар у Беларусі сустрэў Пасху за кратамі і працягвае знаходзіцца ў зняволенні
-
Не так як звычайна прайшоў у Мінску гарадскі Крыжовы шлях. Прычына – на фота
-
Дзе глядзець трансляцыю на Вялікдзень-2026 – падборка відэа-онлайн з касцёлаў
-
«Нельга святкаваць Вялікдзень і...» Моцнае слова арцыбіскупа Кандрусевіча на Пасху