Стартавалі пілігрымкі ў Будслаў - першая выйшла з Баранавічаў

Першая пасля двухгадовага перапынку пешая пілігрымка выйшла ў Будслаў. 23 чэрвеня з Баранавічаў у шлях працягласцю амаль 300 км адправіліся некалькі дзесяткаў чалавек, некаторыя - з маленькімі дзецьмі. Па дарозе да іх будуць далучацца іншыя пілігрымы. Увесь шлях зойме 9 дзен.

Тым, хто не зможа адправіцца пешшу ў Будслаў, «Баранавіцкія арлы» прапануюць стаць духоўным пілігрымам: дасылаць свае малітоўныя інтэнцыі ў акаўнт instagram.com/myorly.info і маліцца за пілігрымаў.

Нагадаем, фэст у Нацыянальным санктуарыі Маці Божай Будслаўскай адбудзецца 1-2 ліпеня.

26 чэрвеня пілігрымы адправяцца са Смаргоні, 27 чэрвеня пешыя паломніцтвы выйдуць з Мінска і Полацка, 28 чэрвеня - з Маладзечна, таксама адбудуцца пілігрымкі з іншых куткоў Беларусі.