Газавыя лямпы, фуфайкі. У Чырвоным касцёле расказалі Румаку, як рыхтуюцца да Раства
- Written by KATOLIK.LIFE
- Published in Царква
- Add new comment
«Няўжо ў касцёле ў цэнтры Мінска Раство Хрыстова будзе без Хрыста?», - звярнуліся вернікі ў адкрытым лісце да Упаўнаважанага па справах рэлігій і нацыянальнасцяў
Касцёльны камітэт і вернікі парафіі святога Сымона і святой Алены ў Мінску 16 снежня апублікавалі адкрыты ліст да Упаўнаважанага па справах рэлігій і нацыянальнасцяў Аляксандра Румака. У сваім звароце яны ўзнялі пытанне закрытага Чырвонага касцёла і заклікалі пасадзейнічаць у тым, каб святароў і вернікаў дапусцілі ў храм, каб служыць там святую Імшу на свята Божага Нараджэння.
«Няўжо ў касцёле ў цэнтры Мінска Раство Хрыстова будзе без Хрыста?», - задаюцца пытаннем парафіяне.
Як адзначаецца ў лісце, 13 кастрычніка, у дзень 175-годдзя нараджэння Слугі Божага Эдварда Вайніловіча, фундатара касцёла, Румак прыходзіў у плябанію да пробашча Уладзіслава Завальнюка. Але «нагодай для прыхода была не юбілейная дата, а абвяшчэнне забароны святарам і народу маліцца на гэтым святым гістарычным месцы і служыць Літургію».
«"Пацярпіце да Раства" – гэтыя словы ў прысутнасці парафіянаў вы сказалі нашаму пробашчу (...) Вы далі нам надзею», - пішуць вернікі і адзначаюць, што амаль праз тры месяца пасля «таямнічага закрыцця святыні» ніякіх следчых работ не праводзіцца, злачынцы не выяўлены.
Касцёльны камітэт таксама паведаміў, як рыхтуецца да свята ў плябаніі, дзе адключаны святло, вада і ацяпленне: асвятляючыся вулічнымі ліхтарамі: «Вернікі і людзі добрай волі дапамагаюць арганізаваць мінімальныя ўмовы выжывання: падарылі валёнкі, фуфайкі, газавыя лямпы, людзі дзеляцца дровамі для буржуек – прывозяць амаль з усяго Мінскага раёна».
Парафіяне падкрэслілі, што моляцца і спадзяюцца на лепшае – на «вяртанне ў зганьбаваны і прыніжаны храм, з якога выгналі Езуса Хрыста».
Related items
-
Ноч у касцёле правяла моладзь Мінска. Што там адбывалася: відэа
-
«Стаіш і разважаеш, дзе столькі ўзяць?». На «Радыё Марыя» распавялі, у якую суму абыходзіцца іх праца
-
Па просьбе ўладаў у касцёлах памоляцца «аб прымірэнні і аб’яднанні жыхароў Беларусі»
-
У Нямеччыне вырашылі благаслаўляць аднаполыя саюзы – Ватыкан супраць
-
«Наше оружие – молитва за врагов». Епископы выступили после очередного ракетного обстрела Украины