У закрыты Чырвоны касцёл дапусцілі святароў: яны распавялі, што там ўбачылі
- Written by KATOLIK.LIFE
- Published in Царква
- Add new comment
У храме цёпла і ёсць вада, а ўлады сцвярджаюць, што гэта не так, і быццам таму не могуць яго адчыніць.
Парафія святога Сымона і святой Алены ў Мінску 20 лютага паведаміла аб тым, што ў Чырвоны касцёл, закрыты ўладамі ўжо амаль пяць месяцаў, дазволілі ўвайсці святарам і прадстаўнікам касцёльнага камітэта – каб ацаніць маёмасць парафіі, знішчаную ад узгарання.
«З убачанага можам сказаць, што у касцёле цёпла, ёсць гарачая і халодная вада (на плябаніі ўсё гэта адключана), у зале для Богаслужэння няма слядоў узгарання, сажы і іншых бачных пашкоджанняў. Агляд праведзены толькі ў сакрыстыі-канцэлярыі, другі і трэці паверхі над сакрыстыяй патрабуюць дадатковага часу», – гаворыцца ў паведамленні.
У той жа час Мінгарвыканкам сцвярджае, што ў храме адключана электра-, цепла- і водазабеспячэнне, і што ўсе гэтыя сістэмы нібыта патрабуюць рамонтна-аднаўленчых прац. Гэта названа прычынай таго, што храм не адкрываюць для вернікаў. Ліст з такім паведамленнем атрымалі парафіяне ў лютым за подпісам намесніка старшыні выканкаму Арцёма Цурана.
Наш канал в Telegram – только самое важное. Подписаться >
У гэтым жа лісце гаворыцца, што «рамонтна-аднаўленчыя працы ладзяцца ў рамках вызначаных норм у адпаведнасці з заканадаўствам», аднак тэрміны і віды прац па-ранейшаму не называюцца.
Таксама стала вядома, што ліст парафіян да старшыні Савета Рэспублікі Наталлі Качанавай па яе распараджэнні быў перанакіраваны ў Мінгарвыканкам.
«Хрыстос заклікае падаць руку прабачэння сваім крыўдзіцелям. Таму асаблівым чынам ахвяруем нашы пасты, малітвы і ахвяры за тых, хто так моцна зневажае і крыўдзіць вернікаў нашай парафіі і наш касцёл, які ўжо пяць месяцаў зачынены для малітвы (...) Людзі часта не задумваюцца, што зачыняючы святыню, яны зачыняюць дзверы Божай любові для сябе і сваіх дзяцей», – адзначаецца ў паведамленні парафіі.
Да малітваў аб аднаўленні парафіяльнага жыцця ў Чырвоным касцёле вернікаў запрашаюць далучаць пост на вадзе і хлебе, або хто што можа ахвяраваць на час Вялікага посту.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле